વિચારશૂન્ય મન
વિચારશૂન્ય મન,
અલિપ્ત શબ્દોથી, લાગણીથી, અહંકારથી.......
નિર્લેપ તારાપણાથી અને મારાપણાથી પણ.......
કોઈ સ્વપ્નના સળિયા પાછળ આંખો નહીં.....
નથી પીંજરું છતાંયે ઊડવું નહીં....
નહીં રંગ કોઈ વેદનાનાં, પીડાનાં, દુ:ખનાં....
નહીં તરંગ કોઈ આનંદના, ખુશીનાં, સુખનાં….
બધું જ હોવું ન હોવું એકસરખું
એ શું હરપળે લાગણીનાં પૂરમાં ધસી જવું?
એ શું હરપળે હરવાતમાં વિવાદે ચઢી જવું?
એ શું કરવા ઉજાગરા કોઇની પ્રતિક્ષામાં?
એ શું જીવવું સતત તિતિક્ષામાં?
નહીં યોગ તારા સંગ હજું થોડું જીવ્યાનો,
નહીં વિયોગ તુજથી દૂર તરછોડ્યાનો,
બધું જ હોવું ન હોવું એકસરખું
-બાદલ પંચાલ
No comments:
Post a Comment